• +377-45-100-717

P1. Qeverisja, Risku dhe Etika

Përshkrimi i lëndës
Syllabusi i P1 Qeverisja, Risku dhe Etika, veprojnë si syllabusi që hap derën drejt nivelit profesional. Ai vendos dokumentet tjera Thelbësore dhe Opsionale në një kontekst më të gjerë profesional, organizativ dhe shoqëror. Syllabusi supozon se teknikat, aftësitë dhe njohuritë thelbësore janë fituar në nivelin Themelor gjatë të cilit duhet të jenë fituar edhe aftësitë bazë teknike dhe se etika, qeverisja e korporatës, auditimi i brendshëm, kontrollimi dhe rreziku do të jenë prezantuar në kontekstin e temave specifike. Syllabusi i QRE fillon duke hulumtuar tërë fushën e qeverisjes përbrenda organizatave në kontekstin e gjerë të marrëdhënies së agjencive. Ky aspekt i syllabusit përqendrohet në rolet përkatëse dhe përgjegjësitë e drejtorëve dhe zyrtarëve e deri te palët e interesuara të organizatës si dhe tek kontabiliteti dhe auditimi si funksione mbështetëse dhe kontrolluese.

Syllabusi, më pas hulumton rishikimin e brendshëm, kontrollimin dhe raportimin për të zbatuar dhe mbështetur qeverisjen efektive, duke përfshirë çështjet e pajtueshmërisë që kanë të bëjnë me vendimmarrjen dhe funksionet për mbështetjen e vendimeve. Syllabusi po ashtu hulumton  tërë fushën e identifikimit, vlerësimit dhe kontrollimit të rrezikut si një aspekt kyç të menaxhmentit përgjegjës. Në fund, syllabusi mbulon etikën personale dhe profesionale, kornizën etike – dhe vlerat profesionale – të aplikueshme në kontekstin e detyrave të kontabilistit dhe si në formën e një udhëzuesi për sjelljen dhe udhëheqjen e përshtatshme profesionale në një sërë situatash.

P2. Raportimi i Korporatave

Përshkrimi i lëndës
Syllabusi i P2 Raportimi i Korporatave, supozon se teknikat, aftësitë dhe njohuritë thelbësore janë fituar në nivelin Themelor gjatë të cilit duhet të jenë fituar edhe aftësitë bazë teknike për të përgatitur dhe analizuar raportet financiare për entitetet individuale dhe të kombinuara. Syllabusi i P2 i shkon temës edhe më në thellësi dhe e kontekstualizon rolin e kontabilistit si një kujdestar dhe këshilltar/analist profesional fillimisht duke hulumtuar detyrat dhe përgjegjësitë e gjera profesionale të kontabilistit ndaj palëve të interesuara të një organizate. Syllabusi hulumton kornizës raportuese financiare në kuadër të cilës vepron kontabilisti dhe hulumton kërkesat ndaj entiteteve për raportim të detajuar financiar që çon në përgatitjen e raporteve grupore financiare në pajtim me praktikën gjerësisht të pranuar të kontabilitetit dhe standardet përkatëse. Syllabusi më pas merret me natyrën e raportimit për entitetet e specializuara duke përfshirë ndërmarrjet jofitimprurëse dhe ato të vogla dhe të mesme. Pjesët e fundit të syllabusit hulumtojnë – më në thellësi – rolin e kontabilistit si analist financiar dhe këshilltar përmes vlerësimit të performancës financiare dhe pozitës së entiteteve, si dhe rolin e kontabilistit në vlerësimin dhe këshillimin mbi implikimet e rregulloreve të kontabilitetit mbi raportimin e korporatave. Në fund, syllabusi, mbulon vlerësimin e zhvillimeve aktuale dhe implikimet e tyre për raportimin financiar.

P3. Auditimi i Avancuar dhe Siguria

Përshkrimi i lëndës
Syllabusi i Auditimit të Avancuar dhe Sigurisë së në thelb ndahet në shtatë fusha. Syllabusi fillon me mjedisin ligjor dhe rregullator duke përfshirë pastrimin e parave dhe konsideratat profesionale dhe etike, duke përfshirë Kodin Etik dhe përgjegjësinë profesionale. Kjo më pas çon në procedurat e menaxhimit praktik, duke përfshirë kontrollin dhe pranimin dhe

mbajtjen e angazhimeve profesionale Syllabusi, më pas, mbulon auditimin e pasqyrave financiare, duke përfshirë planifikimin, dëshmitë dhe rishikimin. Më pas mbulon detyra tjera duke përfshirë informacionin financiar, dhe detyrat tjera të sigurisë, si dhe raportimin e këtyre detyrave. Pjesa përfundimtare mbulon çështjet aktuale dhe zhvillimet që kanë të bëjnë me ofrimin e shërbimeve që kanë të bëjnë me auditimin dhe sigurinë.

P4. Analiza e Biznesit

Përshkrimi i lëndës
Syllabusi i P3 Analiza e Biznesit, në rend të parë merret me dy çështje, E para është forcat e jashtme (sjellja e konsumatorëve, nismat e konkurrentëve, miratimi i ligjeve dhe rregulloreve të reja) të cilat formësojnë mjedisin e një organizate. E dyta është ambiciet dhe brengat e brendshme (dëshira për rritje, dizajni i proceseve, kompetencat e punonjësve, burimet financiare) të cilat ekzistojnë në kuadër të një organizate. Ky syllabus i shikon të dyja këto perspektiva, nga vlerësimi i pozitës strategjike dhe dëshirës për të identifikuar dhe formuluar strategji dhe veprime strategjike. Ai i identifikon mundësitë për ndryshime të dobishme të cilat përfshijnë njerëzit, financat dhe teknologjinë informative. Ai hulumton se si këto mundësi mund të zbatohen përmes menaxhimit përkatës të programeve dhe projekteve. Syllabusi fillon me vlerësimin e pozitës strategjike në kohën e tashme dhe në të ardhmen duke përdorur teknikat përkatëse të parashikimit, dhe kryesisht merret me ndikimin mjedisit të jashtëm mbi biznesin, aftësitë e tij të brendshme dhe pritjet si dhe në atë se si pozicionohet vetë organizata nën këto kufizime Ai hulumton se si faktorët e tillë si kultura, udhëheqësit dhe pritjet e palëve të treta e formësojnë qëllimin organizatës. Zgjedhja  strategjike merret me vendimet të cilat duhet të merren për të ardhmen e një organizate dhe mënyrën se si mund t’iu përgjigjet ajo ndikimeve dhe presioneve të identifikuara në vlerësimin e pozitës së tanishme strategjike dhe asaj në të ardhmen.

Veprimet strategjike kanë të bëjnë me zbatimin e zgjedhjeve strategjike dhe transformimin e të njëjtave në veprime të organizatës Veprimet e tilla zhvillohen në proceset e përditshme dhe në marrëdhëniet organizative dhe këto procese dhe marrëdhënie duhet të menaxhohen në pajtim me strategjinë e synuar, duke përfshirë koordinimin efektiv të teknologjisë informative, njerëzve, financave dhe burimeve tjera financiare të biznesit. Kompanitë që ndërmarrin procese të ri-hartimit të afarizmit të suksesshëm pretendojnë përmirësime të rëndësishme organizative. Kjo thjesht pasqyron faktin se shumë procese ekzistuese janë më pak efikase se sa që mund të jenë dhe se teknologjia e re e mundëson hartimin e proceseve më efikase. Planifikimi strategjik dhe zbatimi i strategjive duhet t’i nënshtrohet pikë referimeve financiare. Analiza financiare e pranon këtë në mënyrë të qartë, duke ua rikujtuar kandidatëve rëndësinë e përqendrimit në teknikat kyçe të kontabilitetit menaxherial të cilat ndihmojnë në përcaktimin e veprimeve strategjike dhe përpjesëtimin financiar dhe masat që mund të përdoren për të vlerësuar qëndrueshmërinë e një strategjie dhe për të monitoruar dhe matur suksesin e saj. Në tërësi, syllabusi e pranon se planifikimi dhe zbatimi i suksesshëm strategjik kërkon rekrutim efektiv, udhëheqje, organizim dhe trajnim si dhe zhvillim të njerëzve.

P5. Menaxhmenti Financiar i Avancuar

Përshkrimi i lëndës
Ky syllabus zhvillohet mbi njohuritë thelbësore të menaxhimit financiar dhe aftësitë e mbuluara në syllabusin e F8 Menaxhimi Financiar, në nivelin themelor dhe përgatit kandidatët për të këshilluar menaxhmentin dhe/ose klientët mbi çështjet komplekse strategjike të menaxhimit financiar me të cilat përballet një organizatë. Syllabusi fillon me hulumtimin e rolit dhe përgjegjësisë së një udhëheqësi ekzekutiv apo këshilltari në përmbushjen e nevojave konkurruese të palëve të interesuara në kuadër të mjedisit të bizneseve shumëkombëshe. Syllabusi më pas hulumton sërish vendimet për investim dhe financim, me theks në lëvizjen  përpara kundrejt pasojave strategjike të marrjes së vendimeve të tilla në një kontekst kombëtar dhe ndërkombëtar. Më pas kandidatët pritet që të zhvillojnë më tej aftësitë këshilluese në planifikimin strategjik të blerjeve dhe shkrirjeve dhe riorganizimin e korporatave. Pjesa vijuese e syllabusit ri-hulumton, në kuptimin më të gjerë, ekzistencën e rreziqeve në biznes dhe strategjitë e sofistikuara të cilat vihen në përdorim për të menaxhuar rreziqet e tilla. Ai bazohet në atë që kandidatët duhet të kenë mbuluar në syllabusin F8, Menaxhimi Financiar, dhe syllabusin e P1, Qeverisja, Risku dhe Etika. Syllabusi përfundon me hulumtimin e ndikimit të çështjeve shfaqen në financa.

P6. Menaxhmenti i Avancuar i Performancës

Përshkrimi i lëndës
Syllabusi i Menaxhimit të Avancuar të Performancës zhvillon më tej aspektet kyçe të prezantuara në F5 Menaxhmenti i Performancës, në nivelin e aftësive dhe përfiton nga aspektet e materialit të mbuluar nga një perspektivë më strategjike dhe e planifikimit operacional në P6 Analiza e Biznesit.

Syllabusi i njofton kandidatët me rolin strategjik të kontabilitetit menaxherial si një disiplinë për planifikimin dhe kontrollimin e performancës në mënyrë që objektivat strategjike të mund të vendosen, monitorohen dhe kontrollohen. Ai gjithashtu mbulon ndikimin a faktorëve të jashtëm në çështjet e menaxhimit strategjik, siç janë ndikimet makroekonomike, fiskale, të tregut dhe mjedisit në performancë. Nga vlerësimi i kontekstit strategjik të menaxhimit të performancës dhe ndikimit të aktorëve më të gjerë, syllabusi hulumton, në nivel operacional, çështjet që kanë të bëjnë me sistemet për matjen e performancës dhe dizajnin e tyre. Syllabusi më pas kalon nga sistemet e menaxhimit të performancës dhe dizajnit të tyre sipas fushëveprimit dhe aplikimit të teknikave për matjen e performancës së nivelit të lartë në një sërë kontekstesh, duke përfshirë organizatat jofitimprurëse dhe bizneset shumëkombëshe. Pas mbulimit të aspekteve strategjike të menaxhimit të performancës dhe sistemeve operacionale për matjen dhe kontrollimin e performancës në një sërë kontekstesh, nga kandidatët pritet që t’i sintetizojnë këto njohuri në rolin e një këshilltari të menaxhmentit të lartë apo klientëve të pavarur mbi atë se si të vlerësojnë dhe kontrollojnë performancën e një entiteti, duke përfshirë njohjen nëse një biznes është duke u përballur me vështirësi apo dështim të mundshëm. Në fund, syllabusi trajton zhvillimet aktuale në menaxhimin e performancës dhe çështjet që shfaqen pasi ato mund të ndikojnë menaxhimin e performancës në kuadër të organizatave.