Me datë 22.03.2023 është mbajtur Mbledhjen e Përgjithshme Vjetore e Kuvendit të Anëtarëve të Institutit AAB për Kontabilist dhe Auditor të Certifikuar.
Në mbledhje u diskutuan aktivitetet dhe raporti i auditorit për vitin 2022, dhe planifikimet e bërë e që pritet të zbatohen përgjatë vitit 2023.
Falenderojmë të gjithë anetarët për prezencen, kontributin dhe gatishmerinë e tyre për zhvillimin e mëtutjeshëm të Insitutit AAB.
Më datë 21.03.2023 u mbajt sesioni i parë për vitin 2023 në kuadër të programit të Edukimit të Vazhdueshëm Profesional me temë:
“Raportimi vjetor sipas kërkesave të legjislacionit tatimor dhe kërkesave të raportimit financiar të përcaktuar nga KKRF”
Ligjerues: Shpend Zeka
P.S. Kjo EVP u mbajtë me prani fizike dhe online njëkohësisht. Një numër i konsiderueshëm i anëtarëve ishin prezent në klasë dhe po ashtu një numër i madh i anëtarëve për arsye të pamundësisë me ardhë fizikisht e ndjeken ligjeratën online.
Data 15 dhjetor 2022 për hyrjen në fuqi për grupin e ri dhe të rishikuar të standardeve të menaxhimit të cilësisë së Bordit të Standardeve Ndërkombëtare të Auditimit dhe Sigurisë (BSNAS-IAASB) po afrohet me shpejtësi. Ndërsa standardet e reja rrisin shiritin në menaxhimin e cilësisë dhe paraqesin përfitime të rëndësishme, ne e kuptojmë se ka edhe sfida të zbatimit që duhen përmbushur për të arritur përfitimet. Ne dëshirojmë t’u kujtojmë firmave dhe organizatave profesionale të kontabilitetit (OPK-PAO) materialet e disponueshme që mund të ofrojnë udhëzime dhe mbështetje.
• BSNAS-IAASB
o Baza për konkluzione dhe fletë të dhënash – SNMC 1, SNMC 2, SNA 220
o Udhëzues për zbatimin për herë të parë – SNMC 1, SNMC 2, SNA 220
• Seria e Menaxhimit të Cilësisë të FNK-IFAC: Zbatimi i firmave të vogla, Seria e Parë që adreson ndryshimin e mendësisë që kërkojnë standardet e reja dhe zhvendosjen e fokusit nga kontrolli i cilësisë në menaxhimin e cilësisë
• Diskutimet e panelit të FNK-IFAC për përgatitjen për qasjen e re të bazuar në rrezik dhe mësimet e hershme të nxjerra (të disponueshme me titra në frëngjisht dhe spanjisht)
• Seritë webinare me katër pjesë të FNK-IFAC dhe BSNAS- IAASB
o Gjithçka që duhet të dini për procesin e vlerësimit të rrezikut të firmës
o Burimet: Pritjet për firmat dhe partnerët e angazhimit
o Çfarë ka të re për proceset e monitorimit dhe riparimit të firmave
o Sjellja e të gjitha së bashku
• Seria e artikujve me tre pjesë
o SNMC 1 Objektivat e Cilësisë dhe Rreziqet e Cilësisë
o SNMC 1 Përgjigjet e Rrezikut
o Sistemi SNMC 1 për Vlerësimin dhe Monitorimin
• FNK-IFAC dhe Banka Botërore e Menaxhimit Global të Cilësisë OPK-PAO e Shkëmbimit të Njohurive në Webinar regjistron iniciativat e OPK-PAO-s dhe zgjidhjet e produkteve të ndryshme
• Burime të shumta të menaxhimit të cilësisë nga i gjithë rrjeti i FNK-IFAC
FNK-IFAC po zhvillon gjithashtu burime dhe iniciativa shtesë që do të publikohen në vitin 2023. Si për kujtesë, të gjitha materialet e FNK-IFAC mund të gjenden në ifac.org/qualitymanagement dhe të gjitha materialet e BSNAS-IAASB mund të gjenden në iaasb.org/quality-management.
Me ftesë të auditorës së përgjithashme znj.Vlora Spanca, Instituti AAB ishte pjesë e tryezës së organizuar nga Zyra Kombëtare e Auditimit ku u prezantua Plani Vjetor i Auditimit 2022-2023.
Në fokus të kësaj tryeze, përveç prezentimit të planit auditues 2022/2023, temave të auditimit të performancës dhe rezultateve të auditimit ishte edhe përfshirja sa më e madhe e shoqërisë civile në fazën e parastudimit. Me këtë rast Instituti AAB përgëzon Zyren Kombëtare të Auditimit në lidhje me punët e bëra si dhe për planin ambicioz për periudhën 2022-2023.
Instituti AAB si çdo herë edhe në këtë tryezë jep kontributin e duhur dhe profesional si shoqatë profesionale për kontabilitet dhe auditim, pasi siç dihet qëllimi kryesor për të cilin ekziston Instituti AAB është mbrojta e interesit publik, zhvillimi profesional në fushën e kontabilitetit, menaxhimit financiar, menaxhimit të përformancës dhe auditimit në Kosovë.
Federata Ndërkombëtare e Kontabilistëve (IFAC) publikoi pjesën e parë të një serie publikimesh me tre pjesë për të ndihmuar firmat e vogla dhe të mesme të auditimit dhe të kontabilitetit të zbatojnë standardet e reja të menaxhimit të cilësisë të Bordit Ndërkombëtar të Standardeve të Auditimit dhe Sigurisë (IAASB). Seti i standardeve të menaxhimit të cilësisë së IAASB u lëshua në dhjetor 2020 dhe do të hyjë në fuqi më 15 dhjetor 2022.
Seria e parë: Është koha për t’u përgatitur për standardet e reja të menaxhimit të cilësisë që adresojnë ndryshimin e mentalitetit që kërkojnë standardet e reja dhe zhvendosjen e fokusit nga kontrolli i cilësisë në menaxhimin e cilësisë. Seria përfshin gjithashtu zhvillimin e një plani për zbatimin e projektit, një hyrje në objektivat e cilësisë, procesin e vlerësimit të rrezikut dhe caktimin e roleve dhe përgjegjësive. Përfshihen gjithashtu modele të dobishme të agjendës së takimeve që praktikuesit mund të përdorin me kolegët e tyre.
Seria me tre pjesë do të ofrojë këshilla dhe udhëzime për zbatimin praktik të standardeve të IAASB. Seria e dytë do të fokusohet në zhvillimin e një plani të detajuar të zbatimit dhe seria e tretë do të trajtojë monitorimin dhe përmirësimin. Seria e parë i bashkohet koleksionit të burimeve të disponueshme të IFAC që mbështesin zbatimin e menaxhimit të cilësisë, duke përfshirë webinarët, artikujt dhe videot, si dhe udhëzuesit e zbatimit për herë të parë të IAASB, të cilat janë të gjitha të disponueshme në këtë link ifac.org/qualitymanagement.
IFAC pranon dhe vlerëson komentet nga përfaqësuesit e Grupit Këshillues për Firmat e Vogla dhe të Mesme të IFAC dhe Forumit të Firmave në zhvillimin e serisë.
Bordi i Standardeve Ndërkombëtare të Kontabilitetit (IASB) në bashkëpunim me Shoqatën Evropiane të Kontabilitetit (EAA) dhe Grupin Këshillues Evropian të Raportimit Financiar (EFRAG) organizojnë workshop online i cili trajton çështjet që lidhen me raportimin financiar dixhital dhe dixhitalizimin e raporteve financiare.
Workshopi do të zhvillohet më 18 nëntor 2022 nga ora 12:00 deri në 14:00 CET.
Për t’u regjistruar: Klikoni Këtu
Për informacione shtesë: Klikoni Këtu
Bordi i Standardeve Ndërkombëtare të Kontabilitetit (BSNK) i Fondacionit SNRF ka publikuar propozime për të përditësuar Standardin e Kontabilitetit për NVM-të për të pasqyruar përmirësimet e bëra në standardet e plota të kontabilitetit SNRF, duke e mbajtur standardin të përshtatshëm për ndërmarrjet e vogla dhe të mesme.
Propozimet për përditësimin e Standardeve Ndërkombëtare të Raportimit Financiar për NVM-të janë publikuar dhe janë të hapura për koment deri më 7 Mars 2023.
Për më shumë klikoni në linkun në vijim:
https://www.ifrs.org/news-and-events/news/2022/09/iasb-publishes-proposals-to-update-its-accounting-standard-for-small-and-medium-sized-entities/
Instituti AAB nënshkroi marrëveshje bashkëpunimi me IATP-Integrated Agricultural Technology Agency L.L.C. në bashkëpunim me Kolegjin AAB, për të promovuar bashkëpunimin e përbashkët edukativ e kulturor.
Palët kanë rënë dakord se lëvizjen drejt mësimit gjatë gjithë jetës duhet ta shoqërojë një tranzicion i suksesshëm në ekonominë dhe shoqërinë e bazuar në dije.
Prandaj, promovimi i qytetarisë aktive dhe punsueshmërisë janë qëllime të këtij memorandumi, dhe shihen si po aq të rëndësishme dhe të ndërlidhura për mësimin gjatë gjithë jetës, e ku do të duhej të përfshihen të gjitha format e mësimdhënies dhe të të mësuarit.
Kjo do të arrihet përmes organizimit të përbashkët të kurseve, punëtorive, trajnimeve ndërkombëtare, etj.. Pra, Instituti AAB për Kontabilist dhe Auditorë të Certifikuar do të jetë pjesë e marrëveshjes me IATP në bashkëpunim me Kolegjin AAB.
Përfaqësues të Institutit AAB per Kontabilist dhe Auditor të Certifikuar priten në takim përfaqësuesit e Shoqatës së Kontabilistëve të Çertifikuar dhe Auditorëve të Kosovës (ShKÇAK). Diskutimet u zhvilluan me qëllim informimin rreth mbarëvajtjes së shoqatës INSTITUTI AAB dhe hapat që duhet ndjekur në procesin e anëtarsimit në Federatën Ndërkombëtare të Kontabilistëve (FNK).
ShKÇAK, si anëtare me të drejta të plota në Federatën Ndërkombëtare të Kontabilistëve (FNK) shprehu gatishmërinë fillestare që ta mbështet INSTITUTIN AAB në anagzhimet e saj, në përafrimin dhe plotësimin e kritereve për aplikim pranë FNK si anëtar bashkëpunues.
Po ashtu gjatë takimit u shpreh interesi i përbashkët i përfaqësuesve të dy shoqatave profesionale për kontabilitet/auditim për mundësitë e organizimit të konferencave të përbashkëta, përkthimin e standardeve të reja, sesioneve të përbashkëta të Edukimit të Vazhdueshëm Profesional, bashkëpunimit në aspektin e sigurimit të cilësisë si dhe bashkëpunime tjera në interes të anëtarsisë së dy shoqatave dhe publikut të gjërë.
Ministria e Financave ka nxjerr vendimin e radhës, me të cilin shtyhet afati deri më 15 GUSHT 2020 për dorëzimin e deklaratave dhe pasqyrave financiare vjetore të audituara për të gjitha shoqëritë tregtare në Kosovë në Këshillin Kosovar për Raportim Financiar (KKRF).
Vendimin e gjeni këtu: http://institutiaab.org/wp-content/uploads/2020/06/Vendim-i-shtyrjes-se-raportimeve.pdf
