Kontrolli dhe menaxhimi i punëve të Institutit do të bëhet nga Bordi i cili mundet të ushtrojë të gjitha kompetencat e Institutit me përjashtim të atyre që më këtë statut, aktin e themelimit dhe ligjet e aplikueshme kërkohet që të ushtrohen nga Kuvendi i Anëtarëve.

Detyrat dhe përgjegjësitë e Bordit përfshijnë por nuk kufizohen në:

• Të sigurojë që Instituti vepron në interes të publikut dhe realizon qëllimet
• Të përcaktoj drejtimin e përgjithshëm të Institutit përmes aprovimit të strategjisë.
• Të zgjedh Kryetarin, Nënkryetarin dhe menaxhmentin
• Propozimin e rregulloreve, marrjen e vendimeve, krijimin e komisioneve, nxjerrjen e udhëzimeve si dhe ndërmarrjen e hapave tjerë me qëllim të realizimit të qëllimeve dhe aktiviteteve.
• Përgatit dhe i propozon Kuvendit të anëtarëve për miratim programet profesionale nga fusha e kontabilitetit.
• Të organizojë dhe monitorojë procesin e përgatitjes dhe formimit profesional të kandidatëve.
• Nxjerr udhëzues për zbatimin e rregulloreve dhe akteve tjera nënligjore.
• Kujdeset për zbatimin e programit për edukim të vazhdueshëm të anëtarëve.
• Të propozojë Drejtorin e Institutit AAB.