Category: Lajme

Në kuadër të Programit të Edukimit të Vazhdueshëm Profesional, Instituti AAB organizoi me sukses sesionin profesional me temë:

“SNRF 10 Pasqyrat Financiare të Konsoliduara, & SNK 28 Investimet në pjesëmarrje dhe sipërmarrjet e përbashkëta”

Ligjëruese: Albina Bajrami Zeqiri

Gjatë këtij sesioni u trajtuan në mënyrë të detajuar çështjet kryesore që lidhen me SNRF 10 dhe SNK 28, duke përfshirë përgatitjen e pasqyrave financiare të konsoliduara, trajtimin e investimeve në pjesëmarrje dhe sipërmarrjet e përbashkëta, me fokus në zbatimin praktik dhe rëndësinë e këtyre standardeve në raportimin financiar.

Në kuadër të Programit të Edukimit të Vazhdueshëm Profesional, Instituti AAB organizoi me sukses sesionin profesional me temë:

“Planifikimi i auditimit dhe dokumentimi/përgatitja e letrave të punës: Praktikat më të mira”.

 Ligjëruese: Arlinda Beqiri

Gjatë këtij sesioni u trajtuan në mënyrë të detajuar aspektet kryesore të planifikimit të auditimit, si dhe rëndësia e dokumentimit të duhur dhe përgatitjes së letrave të punës, me fokus në praktikat më të mira profesionale.

Instituti AAB vazhdon të mbështesë zhvillimin profesional dhe ngritjen e kapaciteteve të profesionistëve përmes programeve dhe aktiviteteve të vazhdueshme edukative.

Në kuadër të programit të Edukimit të Vazhdueshëm Profesional, Instituti AAB organizoi me sukses sesionin me temë:

“SNMC 1 / ISQM 1 – Standardi Ndërkombëtar për Menaxhimin e Cilësisë”

Ligjërues: Genc Gigollaj

Gjatë këtij aktiviteti u trajtuan parimet dhe kërkesat kryesore të Standardit Ndërkombëtar për Menaxhimin e Cilësisë (SNMC 1 / ISQM 1), rëndësia e zbatimit të tij në praktikën profesionale, si dhe qasjet për ndërtimin dhe funksionimin efektiv të sistemeve të menaxhimit të cilësisë në organizata dhe shërbime profesionale

Në kuadër të programit të Edukimit të Vazhdueshëm Profesional, Instituti AAB organizoi me sukses sesionin me temë:

“Standardet e reja Globale të Auditimit të Brendshëm – ndryshimet dhe përgatitja për pajtueshmëri”

Ligjëruese: Ardita Salihu & Gentiane Blakaj

Gjatë këtij aktiviteti u trajtuan ndryshimet në Standardet e reja Globale të Auditimit të Brendshëm, ndikimi i tyre në praktikën profesionale, si dhe rëndësia e përgatitjes së organizatave për përmbushjen e kërkesave të reja.

Falënderojmë ligjërueset për kontributin dhe profesionalizmin e tyre, si dhe të gjithë pjesëmarrësit për angazhimin dhe pjesëmarrjen.

Përfaqësues të Institutit AAB për Kontabilistë dhe Auditorë të Certifikuar morën pjesë në Mbledhjen e Përgjithshme të Asamblesë së Federatës së Kontabilistëve të Mesdheut (FCM).

Gjatë kësaj ngjarjeje të rëndësishme, u trajtuan çështje kyçe që ndërlidhen me funksionimin dhe zhvillimin e mëtejmë të FCM-së, në përputhje me agjendën e miratuar.

Në kuadër të kësaj pjesëmarrjeje, përfaqësuesit e Institutit AAB morën pjesë edhe në konferencën ndërkombëtare “Raportimi Financiar në Bullgari: Koha për (Ri)Përcaktim”, e organizuar nga Instituti i Kontabilistëve Publikë të Certifikuar në Bullgari.

Kjo pjesëmarrje dëshmon përkushtimin e Institutit AAB për forcimin e bashkëpunimit ndërinstitucional, rritjen e përfaqësimit në arenën ndërkombëtare dhe kontributin në zhvillimin e vazhdueshëm të profesionit.

Kuvendi i Anëtarëve, më datë 26.03.2026, mbajti Mbledhjen e Përgjithshme Vjetore, e cila u zhvillua në ambientet e Institutit AAB.
Në këtë mbledhje u trajtuan çështje kyçe që lidhen me shqyrtimin e raportit vjetor dhe aktivitetet e realizuara gjatë vitit paraprak. Pjesëmarrësit diskutuan vlerësimin e performancës së organizatës për vitin 2025, si dhe analizuan raportin e auditorit për këtë periudhë.
Gjatë diskutimeve u theksua rëndësia e transparencës dhe menaxhimit të duhur financiar. Raporti i auditorit u vlerësua si një instrument i rëndësishëm për rritjen e besueshmërisë dhe forcimin e qëndrueshmërisë financiare të shoqatës.
Gjithashtu, u shqyrtua dhe u miratua unanimisht Plani Strategjik 2026–2030, i cili përcakton drejtimet kryesore të zhvillimit për periudhën në vijim.
Në përmbyllje, falënderojmë të gjithë anëtarët për kontributin, angazhimin dhe përkushtimin e vazhdueshëm në avancimin e Institutit AAB për Kontabilistë dhe Auditorë të Certifikuar.
Ne mbetemi të përkushtuar për të punuar me profesionalizëm dhe integritet, me synimin për të ngritur më tej standardet në fushën e kontabilitetit dhe auditimit.

Takimi u zhvillua në prani të Drejtorit Ekzekutiv z. Ylber Prekazi, Kryetarit të Bordit z. Avni Berisha, si dhe përfaqësuesve të Sekretariatit të KKRF-së të kryesuar nga Drejtori z. Shyqri Hyseni.

Gjatë takimit u shkëmbyen qëndrime mbi zhvillimet në fushën e kontabilitetit dhe auditimit, me fokus në përmirësimin e praktikave profesionale dhe forcimin e rolit të institucioneve në mbështetje të profesionit.

Instituti AAB do të vazhdojë të kontribuojë në rritjen e ndërgjegjësimit për rëndësinë e raportimit financiar cilësor dhe me kohë, duke mbështetur profesionistët dhe duke promovuar transparencë dhe besueshmëri në informacionin financiar në Kosovë.

Instituti AAB ka realizuar sesionin e dytë në kuadër të programit të Edukimit të Vazhdueshëm Profesional, me temën:

“Deklarimi i tatimeve vjetore (CD, PD, DI) & Sponsorizimet”

Ligjërues: Sami Salihu – U.d. Zëvendësdrejtor i Përgjithshëm i ATK-së

Ky sesion ofroi informacione të përditësuara dhe me vlerë për profesionistët e fushës, duke kontribuar në rritjen e kapaciteteve profesionale të pjesëmarrësve.

Programi i Edukimit të Vazhdueshëm Profesional (EVP) përfaqëson një investim të drejtpërdrejtë në të ardhmen profesionale, duke fuqizuar ekspertët me dije të reja dhe duke i përgatitur ata për sfidat e një mjedisi gjithnjë në ndryshim.

#institutiaab#EVP#ATK#zyrakombetareeauditimit

Viti 2026 në Institutin AAB filloi me angazhim dhe zhvillim profesional përmes sesionit të parë të EVP-së me temë:

“Trajtimi tatimor i kontratave të ndërtimit”

Ligjërues: Sami Salihu – U.d. Zëvendësdrejtor i Përgjithshëm i ATK-së

Ndjekja e ligjëratave të EVP-së është thelbësore për përditësimin e vazhdueshëm profesional, përputhshmërinë me ndryshimet ligjore dhe rritjen e kredibilitetit tuaj në tregun e punës.

#EVP#TaxSeason2026#ATK

Instituti AAB ka realizuar sesionin e radhës në kuadër të programit të Edukimit të Vazhdueshëm Profesional, me temën:

“Raportimi i Qëndrueshmërisë, ndërlidhja me standardet ndërkombëtare të auditimit dhe raportimit financiar (SNA 700; SNA 701; SNA 705; SNA 710; SNA 720 & SNK/SNRF)”

Ligjërues: Gëzim Mustafa

Ky sesion ofroi një qasje profesionale mbi rolin dhe rëndësinë e raportimit të qëndrueshmërisë, si dhe integrimin e tij me standardet ndërkombëtare të auditimit dhe raportimit financiar.

Pjesëmarrësit patën mundësinë të thellojnë njohuritë e tyre dhe të diskutojnë praktikat më të avancuara në këtë fushë.

Instituti AAB vazhdon të mbështesë zhvillimin profesional të auditorëve, kontabilistëve dhe profesionistëve të tjerë financiarë përmes programeve cilësore dhe trajnimeve të specializuara.

#edukimivazhdueshëm#auditim#raportimfinanciar#Qëndrueshmëri#trajnimeprofesionale