Category: Lajme

Në kuadër të programit të Edukimit të Vazhdueshëm Profesional, Instituti AAB organizoI sesionin e radhës me temë:

“Zbatimi i standardeve të menaxhimit të cilësisë në firmat e auditimit”

Data: 30.05.2025

Koha: 09:00 – 13:00

Vendi: Instituti AAB

Ligjërues: Gëzim Mustafa

Ky sesion ishte i fokusar në sfidat e firmave të auditimit në zbatimin e standardeve të menaxhimit te cilesise në dritën e kërkesave të Standardeve Ndërkombëtare të Menaxhimit të Cilësisë.

Me datë 06.05.2025 në kuadër të Programit të Edukimit të Vazhdueshëm Profesional, është mbajtur sesioni me temë:

“Menaxhimi i regjistrimit të stoqeve: standardet (SNK-2), llogaritjet, ndikimet financiare dhe implikimet tatimor

Ligjërues: Arben Dubova

Urojmë që ky sesion të sjellë njohuri të vlefshme dhe të ndihmojë në përmirësimin e përditshmërisë suaj profesionale!

Në kuadër të Programit të Edukimit të Vazhdueshëm Profesional me 24 mars është mbajtur sesioni me temë:

“Deklarimet tremujore/vjetore në ATK dhe Sponzorizimet”

Ligjërues: Sami Salihu

Urojmë që ky sesion të sjellë njohuri të vlefshme dhe të ndihmojë në përmirësimin e përditshmërisë suaj profesionale!

Me 21 mars 2025 është mbajtur EVP me temë: “Përgatitja dhe Prezentimi i Pasqyrave Financiare sipas SNRF-ve – Me Shembuj Praktik”

Ligjërues: Zijad Krasniqi

Ju faleminderit të gjithë pjesëmarrësve për interesimin!

Me datë 28.01.2025 është mbajtur sesioni i parë për vitin 2025 në kuadër të Edukimit të Vazhdueshëm Profesional për Anëtarët e Institutit AAB për Kontabilist dhe Auditor të Certifikuar nga fusha e Ligjet/Tatime & Të tjera me temë: Vendi i furnizimit të mallrave/shërbimeve dhe Ngarkesa e kundërt për TVSH

Ligjërues: Sami Salihu

Ju faleminderit të gjithë pjesëmarrësve në këtë sesion të rëndësishëm të EVP-së!

Instituti AAB për Kontabilistë dhe Auditorë të Certifikuar shënoi Ditën Ndërkombëtare të Kontabilitetit me organizimin e konferencës me temë:

“Ndërtimi dhe mirëmbajtja e besimit në sistemin tatimor për një të ardhme të qëndrueshme”.

Ngjarja mblodhi profesionistë të fushës së kontabilitetit, auditimit dhe tatimeve, si dhe përfaqësues nga institucione të rëndësishme publike dhe private.

Konferenca u hap nga Kryetari i Bordit të Institutit, z. Avni Berisha, ndërsa fjalën përshëndetëse e mbajti Drejtori i Përgjithshëm i Administratës Tatimore të Kosovës, z. Mentor Hyseni.

Paneli diskutues, i udhëhequr nga znj. Artenisa Beka, anëtare e Institutit AAB, trajtoi çështje kyçe mbi transparencën fiskale dhe rolin e profesionistëve të kontabilitetit në forcimin e besimit publik.

Në panel morën pjesë:

z. Sami Salihu, Zëvendësdrejtor i Përgjithshëm, Administrata Tatimore e Kosovës

z. Florin Lata, Avokat, Vokshi & Lata

z. Arben Dubova, Auditor i Certifikuar, Anëtar i Institutit AAB

Konferenca u përmbyll me një sesion të Edukimit të Vazhdueshëm Profesional me temën:

“Blockchain si nxitës i inovacionit dhe sigurimit të besueshmërisë” me ligjërues z. Besart Vllahinja, VLLNX Tech LLC Themelues & CEO.

Ky aktivitet shënon përkushtimin e Institutit AAB për të avancuar profesionin e kontabilitetit dhe auditimit, përmes edukimit të vazhdueshëm dhe nxitjes së dialogut profesional ndërmjet institucioneve dhe ekspertëve të fushës.

Është publikuar intervista e Prof. Ass. Dr. Ylber Prekazi, Drejtor Ekzekutiv i Institutit AAB për Kontabilistë dhe Auditorë të Çertifikuar, dhënë në kuadër të serisë “Zërat Mesdhetarë” (Mediterranean Voices), një iniciativë e re e komunikimit nga Federata e Kontabilistëve të Çertifikuar Mesdhetarë (FCM).

Kjo seri synon të:

Nxjerrë në pah lidershipin dhe vizionin strategjik të organizatave anëtare të FCM-së;

Ndajë njohuri mbi sfidat dhe zhvillimet aktuale të profesionit të kontabilitetit në rajonin e Mesdheut;

Reflektojë diversitetin, pasurinë dhe dimensionin njerëzor të komunitetit të FCM-së.

Në intervistë, Dr. Prekazi ndan mendimet e tij mbi rolin e Institutit AAB në zhvillimin profesional të kontabilistëve dhe auditorëve në Kosovë, sfidat teknologjike me të cilat përballet profesioni, si dhe rëndësinë e transparencës, etikës dhe qëndrueshmërisë në raportimin financiar. Ai gjithashtu flet për përfitimet që sjell anëtarësimi në FCM dhe rëndësinë e bashkëpunimit ndërkombëtar.

👉 Intervistën e plotë mund ta lexoni këtu: Shkarko dokumentin PDF

Prishtinë, 31 Korrik 2025 – Instituti AAB për Kontabilistë dhe Auditorë të Certifikuar dhe Zyra Kombëtare e Auditimit (ZKA) kanë zyrtarizuar vazhdimin e bashkëpunimit të tyre përmes nënshkrimit të marrëveshjes së re, me fokus në zhvillimin profesional të vazhdueshëm të stafit të ZKA-së.

Drejtori Ekzekutiv i Institutit AAB për Kontabilistë dhe Auditorë të Certifikuar, Ylber Prekazi dhe Auditorja e Përgjithshme, Vlora Spanca kanë nënshkruar marrëveshjen e bashkëpunimit që ka për qëllim zhvillimin e mëtejshëm të kapaciteteve profesionale të stafit të Zyrës Kombëtare të Auditimit (ZKA) nëpërmjet programit të Edukimit të Vazhdueshëm Profesional (EVP).

Vazhdimi i bashkëpunimit ndërmjet Institutit AAB për Kontabilistë dhe Auditorë të Certifikuar dhe ZKA-së, synon ngritjen e vazhdueshme të njohurive dhe aftësive profesionale të auditorëve, promovimin e praktikave të mira, dhe rritjen e cilësisë në auditim.

Në këto ngjarje të rëndësishme Institutin AAB e përfaqëson Drejtori Ekzekutiv, Z. Ylber Prekazi, dhe Kryetrai i Bordit, Z. Avni Berisha.

Në agjendën e Mbledhjes së Përgjithshme të FCM-së ishin përfshirë:

• Propozimi dhe aprovimi i anëtarit të ri në FCM nga Malta (The Malta Institute of Accountants (MIA)

• Prezantimi dhe aprovimi i pasqyrave financiare për vitin 2024;

• Diskutimi i çështjeve të tjera me rëndësi.

Simpoziumi i 10-të Ndërkombëtar i Kontabilistëve dhe Auditorëve të Malit të Zi, organizuar nga Institute of Certified Accountants of Montenegro (ICAM) u hap me tryezen e rrumbullakët të FCM – Fédération des Experts Comptables Mediterranéens / Federation of Mediterranean Accountants – Mesdheu në Fokus, ku FCM organizoj një sesion të dedikuar të tryezës së rrumbullakët mbi “Kapitali Privat dhe Prioritetet Institucionale”.

Ky simpozium kishte në fokus tematikën kryesore “Zbatimi dhe promovimi i raportit ROSC për kontabilitetin dhe auditmin dhe avancimi i raportimit të qëndrueshmërisë në përputhje me standardet e BE-së, veçanarisht për ndërmarrjet e vogla dhe të mesme (NVM)”.

Ndër pikat e agjendës së simpoziumit ishin temat në vijim:

• Zbatimi i Raportit ROSC për Kontabilitetin dhe Auditimin në Mal të Zi

• Raportimi mbi Qëndrueshmërinë dhe Reformat për NVM-të

• Reformat në Kornizën Rregullatore për Kontabilitetin dhe Auditimin

• Transformimi Dixhital dhe Inteligjenca Artificiale në Kontabilitet dhe Auditim

• Zhvillimi Profesional dhe Edukimi i Vazhdueshëm i Kontabilistëve dhe Auditorëve

Ky simpozium në përgjithësi shërbeu si platformë për shkëmbimin e përvojave ndërkombëtare dhe promovimin e përputhjes me standardet evropiane dhe ndërkombëtare në kontabilitet dhe auditim.

Pjesë e kësaj konference ishin edhe anëtarë nga bordi dhe trupave tjerë të FNK-së, presidentja e IESBA-së, përfaqësues nga Accountancy Europe, përfaqësues të ACCA-së, anëtarë të tjerë të shoqatave pjesë e FCM – së e FNK-së, përfaqësues të institucioneve akademike e publike te Malit të Zi e rajonit, etj.

Këto ngjarje ofruan një mundësi të shkëlqyer për përfaqësuesit e Institutit AAB, duke kontribuar në diskutimet strategjike mbi çështje të rëndësishme që ndikojnë në fushën e kontabilitetit dhe auditimit.